Close

Gisik nangatgipa biaprang

Jolding Wari

Ian Mendipathar sepango donggipa chonbegipa song Mongpanggro o donga, Jolding wariara Resubelpara jilaona songrebagipa manderangna mingsingipa biap ong·a. Indake ia dalbegipa chibolko 12th June, 1897 jolo dalbegipa banggriani a·sel nakataha ine bebera·a.

Radi Nokat

Ia biapni nitoatanira, ia biapo donggipa ong·telaigipa ro·ongrang, jeni bimangrangan Shivlingam baksa apsana, uan onga. Ian Resubelpara town ni 7 Kms chel·ao donga. Ian Hindu toromni songregiparangni am·gipa biap ong·a.

Na.ka Chikong

Ian bang·a picnic cha·giparangni aro milsi pe’e rogiparangni namnikgipa biap damsa ong·a. Naka Chikong ko uni ong·tele silanina, nitogipa chibima aro nitoe ro·ongrangni dongana mingsinga. Ian Badaka songo ong·a.

Rasna Dare

Ia biap Rajasimla songo donga, ian ua jolo donggipa darerangoni mingingipa damsa ong·a. ia biap picnic na aro ja·achi re·e rona nambea.

Chitim tim Dare

Ia biap Babukona songo Assam-Meghalaya sima ari borderni  Resubelpara-Krishnai inter-state (Khaldang) ramao donga, ia dareko ua jolni manderangni nika ru·uta ong·kuja. Songni manderangni gitade ia dare nisiatgipa chi bana 2014 ni ja·mansa ong·baaha, je a·selan sambajol biapni ge·a gammarangko crore ni damni gita ong·pile nosto ka·ahachim. A·palo kusi ong·atgipa jekai jinma roanirang, re·e roanirang, milsi pee roanirang , do·o nianirangko dake ia biapko tang·doatna man·kugen.

Ganna Ramram lake

Ian Resubelpara town oni 15 kms rangni chel·a biapo donggipa song Bo·da A·pal o donga, ia tu·gipa chibol a·bri pattal jatchini tangsekgipa buring grimo donga. Pa·gitchamrangni aganbaani gita ia biapara skang somoi o bilakgipa gisikrangni aro Te·tengni hajal bilsina songdonggipa biapsachim. Indake beberabaani gita mite rang ia chibolo aue uamangni ba’rarang baksa Ganna (Açhikrangni Dress) ko a·samo donggipa rongbrak dal·ao ramronga. Miterangni Indake ranta kaani giminsa “Ganna Ramram” kata ba Ganna ramgipa biap ine ong·baha. Indiba salsao ia Miterang uamangko song sepangni manderang srisrik time nienga aro ia biap ko manderang uiaha ine ma·siaha, untal dipet ia biapo miterangko aro uamangni ba·rako nikna man·jaha. Dongtogipa balwarangan ia biapko picnic na, waltue rona, milsi pee rona, re·e rona, do·o nie rona ba aratmiting somoiko re’atna namgipa biap ong·ata.

Rongma Gitil

Pagitchamrangni aganbaani gitade ia biapo mite me·chik sakgni jeni bimungan Rongma aro Mring, abisa dongachim. Indake uamang abisa sakgni mainiba bidingo dakgrikaha jeon Mring Rongma ko amchepaha ine beberaani donga . Indakesa “Rongma Gitil” ba “ Ro·ong magipani ga·aka” bimungko ko man·baaha. Ian Chachinat songo donga

Rangdokram

Ia biap Soksan Gate (Mendipathar) oni 6 (dok) Kms mang chel·ao donga aro ia biap ko ‘Rang’ jean kanta ong·a una mingsinga. Je somoio song-noko maiaba tom·ani ong·on, nitimgipa mande ia kanta ko dokata unon jinma tom·dakbatoka. Ia kanta an ro·ongni bimango buring jangchio dongrikaha.

Sawal Wari

Ian Ildek Akong Songo donga, aro ia nitobegipa chibima Tourists rangni re’ange niena nangchongmotgipa ong·a. Ian ua jolo songdonggiparangni gisepoba mingsingipa biap ong·a.

Rangjokram lake

Ian Resubelpara ni bijangchi o donga. Ia chibol tu·an baksa adita chi apala aro dintangdintang rongrang gnanggipa dal·a chona rokom ni natokrang donga. Chibol ni Ka·singipa balwa aro chian ia biapo, milsi pe’e rona, Waltue rona, picnic na ba sikdikdik somoi rango re·rame rona nambea.
Ia chibol o bang·a dintangdintang chio dakani ba kalsusaanirangko ong·atnaba nambea.